Forma Batuku

Tradison Di Terra

Compositor: Não Disponível

Ô ia ia, ô ia ia, ô ia ia
É ka só mi ki staba lá
Ô ia ia, ô ia ia, ô ia ia
É ka só mi ki staba lá

Aaah, ah mosinhus
(É ka só mi ki staba lá)
Nhôs spera n konta nhôs pasadu
(É ka só mi ki staba lá)
Kantu ki N ta forma nha batuku
(É ka só mi ki staba lá)
Ah mosinhus tem pasadu um anu
(É ka só mi ki staba lá)
Ami N kontra kumadri Diana
(É ka só mi ki staba lá)
Ê fla-m ê gosta di batuku
(É ka só mi ki staba lá)
Pa-m bá papiâ ku kumpadri Txiku
(É ka só mi ki staba lá)
Kantu ki N bai lá na kasa
(É ka só mi ki staba lá)
N atxa kumpadre Txiku na porta
Kumadre Diana trás di porta
(É ka só mi ki staba lá)
N fla-l boas óra, nha kumpadri
(É ka só mi ki staba lá)
Ê fla-m pa-m entra, pa-m komoda
(É ka só mi ki staba lá)
Si ka kexadu nada ka due
(É ka só mi ki staba lá)
N fla-l Nhu se kusé ki tarsê-m li?
N bem pidi mudjer di nhó pa no bai entra na batuku
(É ka só mi ki staba lá)
Ê fla-m Cruz credo, Ave Maria, lonji di si porta!
(É ka só mi ki staba lá)
Mambá ki N ka tene kabesa prontu
(É ka só mi ki staba lá)
Ma si mudjer é ka dodu, é ka bandida, é ka mokera, é ka disfurada
(É ka só mi ki staba lá)
Ki mi tem kusa-l fási na si kasa
(É ka só mi ki staba lá)
N fla-l kumpadre ami tanbé N ka dodu, N ka bandida
N ka mokera, N ka disfurada
(É ka só mi ki staba lá)
Ami n tem kusa-l fási na nha kása
(É ka só mi ki staba lá)
E tra kumadri Diana ku kosta-l mó, kumadre kai la baxu-l mesa
(É ka só mi ki staba lá)
E fla p'ê sai p'ê abu dal kabra ki tenê fomi na kutelu
(É ka só mi ki staba lá)
N fla-l Kumpadre keli gó N ka ta speraba-el di nhôs
(É ka só mi ki staba lá)
Ê fla-m pa-m sai pa fora di si porta
(É ka só mi ki staba lá)
N fla-l ami n ka bem morá ku nho
(É ka só mi ki staba lá)
Ami N ka mpara boi, N ka porku soitu
(É ka só mi ki staba lá)
'Módi ami é sinhora di nha naris
(É ka só mi ki staba lá)
Ê fla-m pa-m sai pa fora di si porta anter-u da-m ku manduku
(É ka só mi ki staba lá)
N fla-l han han han, ah kumpadri!
(É ka só mi ki staba lá)
Nhu sabê kusé ki nhu sta n-el!
(É ka só mi ki staba lá)
Pamodi ami mudjer djam dá um bés
(É ka só mi ki staba lá)
Saia um ka bisti pa n tadja nha friesa
(É ka só mi ki staba lá)
Si nhu batam ki nhu da-m ku manduku
Nhu ta kume pon ki diabu masa!
(É ka só mi ki staba lá)
E fla-m si N ka konxê-l, si N ka sabê a-el é kenha
(É ka só mi ki staba lá)
N fla-l ami N ka sabi, N ka meste sabi
(É ka só mi ki staba lá)
N tem raiba di ken ki sabe-l ki fla-m
(É ka só mi ki staba lá)
E flam m'ê ka ta troka fla ku fasê
Ma si xarem ka ta lansadu, ma ken ki lansa ta kodjê
Si kre ki na Prego Ribeira
(É ka só mi ki staba lá)
N flal N ka tem medu, N ka tem temor
(É ka só mi ki staba lá)
A-mi é fidju Son Miguel Arcanjo
(É ka só mi ki staba lá)
Omi ki fri-m é Sataná na infernu
(É ka só mi ki staba lá)
Ê fla mudjer di Kristu nha fla-m kusé ke batuku
(É ka só mi ki staba lá)
N fla-l nhu sakuta, nhu ta obi
(É ka só mi ki staba lá)
Batuku é sentimentu i alegria, é pas i amor
É sulidaredadi, é manda rekadu, batuku é sabura
É tudu ki nu ta xinti dentu-l nós!
(É ka só mi ki staba lá)

Ô ia ia, ô ia ia, ô ia ia
Ami N ta spera nhos ta muda!

Aaaah, ah kumpadri!
(Ami N ta spera nhos ta muda)
A-nho pamo ki nhu fla-m si?
(Ami N ta spera nhos ta muda)
Pamó ki nhu trata-m des manera?
(Ami N ta spera nhos ta muda)
A-nhó pa nhu ta pensa so na guerra
(Ami N ta spera nhos ta muda)
Nhu djubi ken ki fase mundu
Ê fasel grandi pa nos tudu nu kebi
(Ami N ta spera nhos ta muda)
Mundu tem pé i tem kabésa
(Ami N ta spera nhos ta muda)
Mundu tem meiu i tem metádi
(Ami N ta spera nhos ta muda)
Mundu tem stráda, tem kaminhu
(Ami N ta spera nhos ta muda)
Ê pa nhu fla-m nha pa undi?
(Ami N ta spera nhos ta muda)
Ê manda-nu si kanelu bránku lan kumpridu
Atrevidu dja katuske-l
(Ami N ta spera nhos ta muda)
É purisu ke kabanu ku asasina-l
(Ami N ta spera nhos ta muda)
Nhu bem da-m konta di makaku
Kume-m korda berdi na pé di monti
(Ami N ta spera nhos ta muda)
Korbu ku peladu tanha midju na txom tudu kutelu
(Ami N ta spera nhos ta muda)
Minhotu ku fransedji panha-m nha pinton tudu kotera
(Ami N ta spera nhos ta muda)
Tota ku pasarinha es ta kumeba sosi bu figuera
(Ami N ta spera nhos ta muda)
N bem da-m konta di orbádju
Ki tem modjába mi panta nha saia
N ta andaba kuel ta dentu di mo
(Ami N ta spera nhos ta muda)
Nhu ta lembrá ma na rubera era kaminhu d'agu mural da lama
(Ami N ta spera nhos ta muda)
Laxidu era mural da limu
(Ami N ta spera nhos ta muda)

Ô ia ia, ô ia ia, ô ia ia
É ka só mi ki staba lá!

É ka só mi (ki staba lá)
É ka só mi (ki staba lá)
É ka só mi (ki staba lá)
É ka só mi (ki staba lá)
É ka só mi (ki staba lá)
É ka só mi (ki staba lá)
É ka só mi (ki staba lá)
É ka só mi (ki staba lá)

Subi iran, subi montodu
Dixi iran, dixi longotodu
Trabesa di n ba serena
(É ka só mi ki staba lá)

É ka só mi (ki staba lá)
É ka só mi (ki staba lá)
É ka só mi (ki staba lá)
É ka só mi (ki staba lá)
É ka só mi (ki staba lá)
É ka só mi (ki staba lá)
É ka só mi (ki staba lá)
É ka só mi (ki staba lá)